Die Apostoliese Geloofsbelydenis is ‘n maatstaf van die waarheid van die Gereformeerde Geloof, en het ontstaan in die 2de eeu, en verder ontwikkel totdat dit in die 4e eeu gefinaliseer is. Die doel was om die waarhede van die christelike geloof saam te vat en in opgesomde vorm publiek te bely. Dit word ook die Twaalf Artikels van die algemene, ongetwyfelde, Christelike geloof, of net Die Twaalf Artikels genoem.
Verfris jouself in die geloof met hierdie bemoedigende gesprek ter verdediging van die Christelike geloof tussen ‘n christen en die satan, genaamd “Bely teen die Bose”. Dit is gebaseer op die twaalf artikels van die Apostoliese Geloofsbelydenis.
In hierdie strydende dialoog beskaam en veroordeel satan die christen wat opstaan in geestelike oorlogvoering, en op elke aanval van sy geloof in Christus getuig, maar steeds bly vas staan op die Woord van God. Mag jou hart opwel en bly wees in hierdie lewende, oorwinnende geloof in Christus.
Stand up to your Christian Belief is oorspronklik geskryf deur Thomas Johnson (1640), maar vertaal en verwerk deur ds Nikolaas Pienaar van die Gereformeerde Kerk, Hermanus.
Hierdie potgooi / artikel is deur verskeie lede van die Scriptura-span saamgestel en geskep.