Die Duiwel is “God se duiwel”. Ek bedoel daarmee dat hy niks kan doen, as God hom nie toelaat nie.
Category: Lering
(Grieks: didaskalia). Dit verwys breedweg na lering en instruksie, oftewel dogma. Artikels, blogs en podsendings wat te make het met leerstellings in die Bybel, sal jy hoofsaaklik onder hierdie kategorie vind.
Daar is héélwat vrae by baie (alle?) gelowiges oor die Heilige Gees. Een van hierdie vrae is: “wanneer ontvang ek die Heilige Gees?”. Hierdie vraag ontstaan dikwels na ‘n deurlees of Bybelstudie van die boek Handelinge.
Meeste mense kan aan redes dink hoekom iets van of in gebed nie reg is nie. Maar om heeltyd te sê wat verkeerd is, bring ons nog nêrens nie. Ek dink dit is ‘n baie slinkse strategie van Satan. Hy bevorder “net twisvrae…meer as stigting van God wat in die geloof is” (1 Tim. 1:4). So, alhoewel dit uiters belangrik is dat ons die verkeerde moet uitwys en die gelowiges moet waarsku teen dwaalleer, is dit ewe-belangrik dat ons nie ongeballanseerde gesprekke voer nie. Gesprekke waar ons bv. net fokus op die verkeerde maniere van bid. Dit is goed om te weet wat die verkeerde maniere is, maar dink en praat ook oor die regte maniere van bid.
Ondersoek vandag jouself en toets jou hart: is daar by jou die gedagte, dat jy om een of ander rede outomaties in God se wingerd is?
In hierdie twee episodes gesels ons oor die Kerk en kerkwees. Wat is die Kerk? moet ek deel wees van ‘n kerk? Wat moet ek daar doen?
Ons gesels oor die twee aspekte van hierdie vraag:
(1) Hoekom sing Christene in tye van aanbidding?
(2) Hoekom juis Psalms sing?
Hierdie potgooi / artikel is deur verskeie lede van die Scriptura-span saamgestel en geskep.
Op hierdie episode lys ek sewe Bybelse kenmerke van iemand wat vir die Here lief is.
Iemand het die Here lief, wanneer hy begeer om in die weg van die uitverkorenes te wandel. So ‘n persoon vertoon op die ou end gewoonlik hierdie 7 kenmerke:
1. Hy het Christus lief en glo dat Jesus waarlik God is en mens geword het.
2. Hy hou die Here se wette en het berou en bekering teen sy eie swakhede
3. Hy het sy naaste daadwerklik lief
4. Hy vier die sakrament van die Nagmaal
5. Hy is ‘n meelewende lidmaat van ‘n plaaslike kerk
6. Hy het die Waarheid lief
7. Hy span sy hele wese in om die Here lief te hê
‘n Vraag wat soms te min aandag verdien is: “wie is my naaste nou eintlik?” Ek moet immers, as Christen my naaste liefhê! In hierdie episode kyk ons na Lukas 10 vir drie belangrike rigtingwysers om hierdie vraag te beantwoord:
(1) Luk. 10:29| Maar hy wou homself regverdig
(2) Luk. 10:36| Wie dan van hierdie drie, dink jy, was die naaste van hom wat onder die rowers verval het?
(3) Luk. 10:37| En hy antwoord: Hy wat barmhartigheid aan hom bewys het. Toe sê Jesus vir hom: Gaan en doen jy net so.
Wie is my naaste? Ons moet eerder vra: vir wie is ek ‘n naaste?